Ndërsa paralajmërimet rreth faturave të larta të energjisë në Britani rriten nga dita në ditë, një organizatë aktivistësh po u kërkon konsumatorëve që thjesht të hyjnë në grevë.
Don’t Pay(Mos Paguaj) shpreson të grumbullojë një milion mbështetës të cilët do të anulojnë pagesat e tyre direkte ndaj kompanive të energjisë në masë më 1 tetor.
“Mos Paguaj” është njëra nga një sërë protestash kundër kostos së lartë të jetesës në Mbretërinë e Bashkuar. Avokatët, drejtuesit e trenave dhe punonjësit e postës po bëjnë grevë për përmirësimin e pagave dhe kushteve, me infermierët dhe mësuesit që votojnë gjithashtu për të ndërmarrë veprime.
Fushata “Mos Paguaj”, i përngjason në histori grevës së pagesave ‘Nuk mund të paguaj, nuk do të paguaj’ pas përpjekjes së dështuar të Margaret Thatcher për të futur taksën e votimit në fund të viteve 1980. Por, lëvizja është quajtur “e papërgjegjshme” nga qeveria, e cila nxori paralajmërime se mund të dëmtojë rezultatet financiare të kompanvie energjetike dhe të çojë në pagesa më të shtrenjta të karburantit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
