.png)
Qytetarë të Tiranës kanë ndezur mbrëmjen e sotme qirinj para Kryeministrisë për Mateon, të miturin 8-vjeçar që u vra brutalisht nga fqinji i tij.
Në shkallët e Kryeministrisë është vendosur një pankartë ku shkruhet: “Mos më vrit, unë nuk dua të bëhem engjëll”, si dhe janë vendosur lule e janë ndezur qirinj.
Vrasja makabre e të miturit nga Klodian Çalamani tronditi mbarë opinionin publik, ku pati solidaritet jo vetëm në rrjetet sociale, por edhe në rrugët e Fierit.
Dy ditë më parë qytetarët e Fierit nisën një peticion për dënimin me vdekje të vrasësit, duke mbështetur familjen e të miturit.
Ndërkohë qytetarët e Tiranës zgjodhën këtë mënyrë për tu solidarizuar me familjen dhe për të ndërgjegjësuar që ngjarje të tilla të mos ndodhin më.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
