.png)
Gazeta Si - Gjykata e Lezhës la në burg pa afat M. B., 20 vjeç dhe E. T., 19 vjeç pasi morën dhe mbajtën peng në garazhin e një pallati një 19-vjeçar në Mirditë.
Seanca gjyqësore ndaj dy të rinjve u zhvillua me dyer të mbyllura, ndërsa gjykata pranoi kërkesën e prokurorit duke cilësuar të ligjshëm arrestimin e tyre për veprat penale “heqja e paligjshme e lirisë” dhe “Vjedhja me dhunë”, kryer në bashkëpunim.
Të rinjtë u kapën disa ditë më parë, pasi tentuan që t’i vidhnin 19-vjeçarit paratë që ai kishte. Pasi i morën me forcë 220 mijë Lekët që kishte me vete duke e mbajtur në një makinë në një garazh, të rinjtë ikën nga vendi i ngjarjes. Më pas e lanë në rrugë 19-vjeçarin.
Ky i fundit mori policinë në telefon dhe pas operacionit të uniformave blu u arrestuan dy autorët e dyshuar të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
