Policia e Lezhës ka arrestuar një 35-vjeçar i identifikuar si Nderim Grosha pasi po transportonte 5 emigrantë nga vendet e treta kundrejt fitimit.
Në kuadër të operacionit policor të koduar ‘Immigrants’, u ndalua në Fushë Milot automjeti tip " Ford" që drejtohej nga 35-vjeçari dhe pas kontrollit në automjet i janë gjetur 5 emigrantë të paligjshëm nga vendet MENA, i cili po i transportonte kundrejt fitimit.
Nderim Grosha, banues në Kukës akuzohet për veprën penale " Dhënie ndihme për kalim paligjshëm të kufirit". Në cilësinë e provës materiale u sekuestruan automjeti dhe një aparat celular.
Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Lezhë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.