Moderna do të padisë Pfizer dhe partnerin e saj gjerman BioNTech për shkelje të patentave të lidhura me zhvillimin e vaksinave të para Covid-19.
Kompania amerikane e bioteknologjisë po pretendon se teknologjia mRNA e zhvilluar para se të vinte pandemia është kopjuar.
Padia, e cila kërkon dëme të paspecifikuara financiare, u ngrit në SHBA dhe Gjermani.
Zëdhënës të Pfizer thanë se janë të befasuar nga kjo padi dhe se do e mbrojnë kundër akuzave.
Në një deklaratë, Moderna tha se Pfizer/BioNTech kopjoi dy elementë kryesorë të Mrna.
“Ne po E ngremë padiNË për të mbrojtur platformën inovative të teknologjisë mRNA, të cilën e kemi nisur, kemi investuar miliarda dollarë në krijimin dhe patentuar gjatë dekadës para pandemisë Covid-19”, tha shefi ekzekutiv i Moderna, Stephane Bancel.
Moderna, e cila u formua si kompani vetëm në vitin 2010, ishte një zhvillues i hershëm i teknologjisë mRNA të përdorur për herë të parë në vaksinat Covid.
Në fillim të pandemisë, Moderna tha se nuk do të zbatonte patentat e saj për të ndihmuar kompanitë e tjera të barnave të zhvillojnë vaksinat e tyre.
Në mars 2022, ajo tha se rivalët si Pfizer dhe BioNTech do të duhej të respektonin të drejtat e saj të pronësisë.
Vetë Moderna është në një mosmarrëveshje të vazhdueshme me Institutin Kombëtar të Shëndetit të SHBA-së për patentat kryesore që lidhen me teknologjinë mRNA.
Në korrik, kompania gjermane bioteknike CureVac ngriti një padi kundër BioNTech duke pretenduar se shkelte patentat e lidhura me inxhinierinë e molekulave të caktuara të mRNA dhe duke kërkuar "kompensim".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.