“Moderna” del për herë të parë nga SHBA, Britania e Madhe aplikon dozat e para

Një 24-vjeçare u bë personi i parë në Britanine e Madhe  të mërkurën që mori vaksinën antiCOVID të Modernas, që po shpërndahet në Wels, raporton Daily Mail.

Elle Taylor tha se ishte “shumë e emocionuar dhe e lumtur” kur mori dozën e parë të vaksinës.

"Unë kujdesem për gjyshen time, kështu që është shumë e rëndësishme për mua që ta marr vaksinën, Në këtë mënyrë unë mund të kujdesem për të siç duhet dhe në mënyrë të sigurt", tha ajo.

"Gjyshja ime ka marrë gjithashtu  dozën e saj të parë dhe ajo do të marrë të  dytën të shtunën."

Sekretari i Shëndetësisë Matt Hancock tha se ishte “i kënaqur” që doza e parë e vaksinës Moderna ishte administruar në Mbretërinë e Bashkuar.

Britania pritet të marrë 100,000 doza të vaksinës Moderna në Prill që do të shtrihet në tre rajone të Welsit.

Ndërkohë janë blerë paraprakisht 17 milion doza në total të mjaftueshme për 8.5 milion njerëz për ta shtrirë masivisht vaksinimin në maj.