.png)
Mjekut reanimator Teni Kamberi ka deklaruar së fundmi se metoda e dhurimit të plazmës për të ndihmuar në trajtimin e pacientëve të tjerë eshte shumë efikase në krijimin e antitrupave.
“Përsa i përket plazmës kjo e ka një logjikë të vetën. Përdorimi i plazmës është bërë historikisht edhe më parë, dhe shkencërisht qëndron. Plazma e një personi që ka qenë i prekur me Covid-19 që ka krijuar antitrupa është e vlefshme,” u shpreh mjeku shqiptar në Francë në një intervistë per mediat
Sa i përket klorokinës, medikamentit kundër malarias i cili raportohet se ka efekt tek personat e infektuar nga koronavirusi, mjeku shqiptar nuk u shfaq shumë optimist, duke nënvizuar se ky ilaç sjell edhe efekte anësore.
“Në nivel europian është duke u bërë një studim që quhet ‘discovery’, duke u trajtuar pacientë me një kontigjent diku me 3 mijë pacientë. Në këtë grup ka protokolle të ndryshme ku përdoren antiviralë, antibiotikë dhe në mesin e këtyre është klorokina vetëm dhe ajo e kombinuar me antibiotikë. Në Francë ka dalë me ligj dhe klorokina nuk është medikament i thjeshtë sepse ka shumë efekte anësore. Ligji në Francë është që ky medikament mund të përdoret në ambientet spitalore dhe jo cdo pacient të shkojë në farmaci, sic ndodhi në fillim kur e morën vesh. Është një nga trajtimet por nuk është akoma definitiv", deklaroi ai.
Gjithashtu duke iu referuar një tjetër hamendësimi se personat e vaksinuar ndaj turbekulozit janë më imunë, Kamberi u shpreh se nuk ka ende baza shkencore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
