.png)
Gazeta Si - Zgjedhjet politike në Greqi me gati dhjetë milionë qytetarë të thirrur në votime, kanë rikonfirmuar besimin tek kryeministri Kyriakos Mitsotakis, kreu i partisë konservatore të Nea Demokracisë.
Një “fitore e qartë”, edhe më e lartë se pritshmëritë e nxjerra nga sondazhet, por që mund të mos jetë e mjaftueshme për të formuar një qeveri njëpartiake pa iu drejtuar një koalicioni të mundshëm.
Sipas të dhënave të Ministrisë së Brendshme, Nd fitoi 40,8% të votave dhe 146 mandate, Syriza 20,06% dhe 71 mandate, Pasok 11,57% dhe 41 mandate dhe Partia Komuniste KKE me 7,19% dhe 26 mandate.
Burime në partinë e tij, sqaruan menjëherë se Mitsotakis synon të heqë dorë nga një mandat eksplorues për t'u rikthyer në qendrat e votimit më 25 qershor, me një sistem zgjedhor që mund t'i garantojë atij një shumicë më të sigurt.
“Të dhënat nga sondazhet janë të qarta: mesazhi është që Nea Demokracia është autonome”, konfirmoi kryeministri duke shpjeguar se “sistemi proporcional të çon në rrugë pa krye”.
“Në zgjedhjet e ardhshme do të tregojmë se ajo që kërkuan qytetarët, vetëmjaftueshmëria e Nea-Dmokracisë, do të vërtetohet matematikisht”.
Ndërkohë, ish-kryeministri grek në krye të partisë së majtë Syriza, Alexis Tsipras, i telefonoi Mitsotakis për ta uruar për fitoren e tij në zgjedhje.
"Rezultati i zgjedhjeve është jashtëzakonisht negativ për Syrizën. Unë kontaktova Mitsotakis dhe e përgëzova për fitoren e tij. Ndeshjet kanë edhe fitore edhe humbje. Organet tona kolegjiale do të mblidhen menjëherë për të vlerësuar rezultatet e zgjedhjeve", tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
