Administrata e Ushqimit dhe Barnave(FDA) në ShBA ka miratuar testin e antitrupave dhe ka urdhëruar përdorimin urgjent të testit që konfirmon nëse njerëzit janë të prekur nga koronavirusi i ri, që është prodhuar nga kompania farmaceutike Roche Holdin AG.
Roche, i cili gjithashtu bën teste molekulare për të identifikuar infeksione aktive COVID-19, deklaroi se testi i tij i antitrupave ka një normë specifike prej 99.8 përqind dhe një shkallë të ndjeshmërisë 100 për qind.
Kjo do të thotë që testi, i cili quhet “ Elecsys Anti-SARS-CoV-2”, tregon më me saktësi rezultatin. Ekspertët e shëndetit thonë se testi mund të ndihmojë shkencëtarët të kuptojnë se sa është i përhapur virusi, sa njerëz bien në kontakt me virusin dhe nuk sëmuren dhe sa kohë pacientët mbesin imunë pasi të shërohen. Kjo është e rëndësishme sepse personat që kanë fituar imunitet të largohen nga shtëpitë e tyre dhe të kthehen në punë dhe të forcojnë fuqinë punëtore, si dhe këto teste do të ndihmojnë punonjësit e kujdesit shëndetësor të përcaktojnë nëse personat e shëruar janë imunë. Roche deklaroi se ka aplikacione të automatizuara që kryejnë testet e instaluara në laboratorët normalë, të cilat do të vihen në dispozicion menjëherë në SHBA.
Thomas Schinecker, drejtuesi i kompanisë Roche, tha se kompania synon të prodhojë më shumë se 50 milion teste në muaj në mënyrë që deri në fund të vitit të dyfishohet prodhimi.
Një rezultat pozitiv i rremë mund të çojë në përfundimin e gabuar se dikush nuk ka imunitet. Roche tha se testi i saj mbështetet në tërheqjet intravenoze të gjakut, me saktësi më të lartë sesa testet e bëra në gisht.
“Nëse merrni gjak nga gishti, kurrë nuk do të jeni në gjendje të arrini të njëjtin nivel specifikash që do të arrini kur të merrni gjak nga vena,” tha Schinecker.
Shefi ekzekutiv Severin Schëan tha se kompania studioi rreth 100 teste rivale për të realizuar testin e ri, por sqaroi se nuk u referohej testeve të tjera. FDA më parë nuk kishte këshilluar përdorimin e testeve të antitrupave për të diagnostikuar koronavirusin, sepse kërkon kohë që antitrupat të zhvillohen.
Por, duke lëshuar një Autorizim të Përdorimit të Urgjencës, agjencia tregon se beson që përfitimet i tejkalojnë çdo rreziku. Sipas FDA, antitrupat kundër koronavirusit të ri janë përgjithësisht të zbulueshëm në gjak disa ditë pas infeksionit fillestar. Teste të ngjashme të antitrupave janë zhvilluar gjithashtu nga kompani të tjera duke përfshirë Abbott Laboratories me bazë në SHBA, Becton Dickinson dhe DiaSorin në Itali.
Schinecker parashikon një nevojë të lartë për testimin e punonjësve të kujdesit shëndetësor dhe familjeve të tyre duke qenë se janë më të ekspozuar nga koronavirusi dhe treguan shenja dhe simptoma, për të parë nëse ata kanë antitrupa. Ndërsa antitrupat zakonisht japin një imunitet, ai pranoi se mbetet shumë për t’u mësuar në lidhje me koronavirusin para se të nxirrnin përfundime.
“Meqenëse ky virus nuk është i njohur mirë, mund të ketë shumë hipoteza por prova do të zgjasë më shumë. Testimi i këtyre njerëzve është thelbësore, për të parë nëse njerëzit me të vërtetë kanë zhvilluar imunitet apo jo,” tha Schinecker./Daily Mail/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
