.png)
Ndërkohë që po zhvillohet seanca plenare e radhës, këtë të enjte mungoi protesta simbolike nga të rinjtë e FRPD dhe LRI, por ishin minatorët në sfond.
Një grup minatorësh kanë dalë për të protestuar para godinës së parlamentit.
Ata kërkojnë miratimin e statusit, ndërsa janë kundër projektligjit që pritet të miratohet sot në Parlament.
“Ne kërkojmë djersën, ne kërkojmë hakun”, janë disa nga thirrjet e minatorëve.
Po ashtu edhe minatorët e Korçës, Ersekës dhe Devollit janë mbledhur para Prefekturës për të protestuar për dhënien e statusit të minatorit.
Kreu i sindikatës së minatorëve të Korçës, Syrja Ruçi, është shprehur se “Protestojmë për të drejtat tona. Nuk po na e vënë veshin. Po na gënjejnë për statusin. Kërkojmë djersën tonë. Pension 35 mijë lekë të reja”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
