.png)
Maryam Rajavit, drejtueses së kampit të muxhahedinëve në Manzë (MEK) i është ndaluar hyrja në Shqipëri. Mediat në Teheran shkruajnë se ky vendim ka ardhur pas kërkesës së SPAK me argumentin se Rajavit ka udhëhequr veprime terroriste ndaj Iranit.
Maryam Rajavi iku në Francë pasi policia shqiptare bastisi kampin e MEK me urdhër të SPAK në qershor dhe pas kësaj nuk është lejuar që të rifutet në Shqipëri. Mirëpo deri më tani ky informacion nuk është konfirmuar zyrtarisht nga autoritetet shqiptare.
Forcat policore shqiptare hynë në kampin e MEK, të njohur si Ashraf-3, më 20 qershor pas informacioneve për “sulme terroriste dhe kibernetike” kundër institucioneve të huaja. Autoritetet konfiskuan 150 pajisje kompjuterike. Ndërkohë, forcat e sigurisë janë vendosur në hyrje të kampit për të kontrolluar të gjitha lëvizjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
