Shkencëtarët kanë krijuar qeliza të kuqe sintetike të gjakut që mund të kryejnë të gjitha funksionet njëjtë si ato të vërtetat. Testet tek embrionet e minjve dhe të pulave treguan se qelizat artificiale ishin në gjendje të bartnin oksigjenin dhe ta përçonin përmes kapilarëve ashtu si versionet biologjike. Por, ata zbuluan gjithashtu aftësinë e qelizave të bëra për të transportuar enzimat e medikamenteve, në kapilarë.
Funksionet që kanë këto qeliza shërbejnë për një gamë të gjerë, të cilat krijojnë mundësi në përmirësimin për trajtimin e sëmundjeve si kanceri.
Studimi, i botuar në revistën “Nano” të Shoqatës Kimike Amerikane, tha që ata gjetën se këto 'qeliza' unike ruanin formën e versionit biologjik. Atëherë ata u ngarkuan me hemoglobinë për të mbartur sa më shumë oksigjen, me ATP biosensorë për zbulimin e toksicitetit, një ilaç antikancerogjen. Rezultatet treguan se këto substanca i dhanë mundësi qelizave të reja të kryenin detyrën normale të qelizave natyrale të gjakut. Qelizat gjithashtu qarkulluan brenda minjve për 48 orë. Kjo kohë u arrit pasi ato ishin të kamufluara kundër qelizave të bardha të gjakut nga proteinat në sipërfaqen e tyre.
Pa mbrojtje, qelizat artificiale do të ishin gëlltitur.
Biosensorët ATP u përdorën për të zbuluar toksicitetin si dhe përqendrimin e enzimës, e cila mbart energji, luhatet në varësi të sasisë së toksinave, duke e bërë atë një tregues të vlefshëm. Hulumtimi u krye në universitetin e Meksikos, Laboratorët Kombëtar Sandia dhe universitetin e Teknologjisë së Kinës Jugore.
Është një zhvillim i madh në terren, pasi studimet e mëparshme nuk kanë arritur të imitojnë çdo funksion të një qelizë të kuqe biologjike të gjakut. Janë planifikuar studime të ardhshme që do të eksplorojnë potencialin e tyre në aplikimet mjekësore, siç janë terapia kundrejt kancerit dhe biosensifikimi i toksinave. Burimi: Daily Mail/ Solli në shqip Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
