Gazeta Si - Një 33-vjeçar nga Vlora, B.Rr., u arrestua në Tepelenë ku kishte marrë si pasagjerë tetë klandestinë për t’i dërguar në Tiranë. Secili prej tyre i kishte paguar të riut nga 250 euro për këtë transport.
Policia e Tepelenës dhe Forca e Posaçme "Shqiponja", pasi ishin vënë në dijeni për këtë trafik emigrantësh dhe kalimet e paligjshme të kufirit, mbështetur në inteligjencën informative, i kanë zënë rrugën shoferit nga Vlora në hyrje të qytetit të Tepelenës, në vendin e quajtur “Agjencia".
Policia konstatoi se ai po transportonte me automjetin e tij "Seat" në drejtim të Tiranës, 8 emigrantë nga vendet MENA, kundrejt shumës 250 euro për person. Policia i sekuestroi automjetin dhe një aparat celular.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.