.png)
Gazeta Si - Tre persona, mes tyre edhe një vajzë janë arrestuar, pasi u kapën duke transportuar lëndë narkotike nga Korça në Elbasan. Të arrestuarit janë L.Gj., 23 vjeç, 28-vjeçarja B.F., dhe G.P., 33 vjeç.
Policia kishte marrë informacion në rrugë operative për këtë transport të lëndëve narkotike dhe ndaloi për kontroll fuoristradën Audi Q7 që drejtohej nga 23-vjeçari L.Gj., dhe pasagjere 28-vjeçaren.
Në bagazhin e Audit u gjetën 10 kg kanabis.
Në afërsi të këtij automjeti u kap dhe u ndalua edhe 33-vjeçari G. P., i cili nga veprimet hetimore ka rezultuar bashkëpunëtor me dy personat lartpërmendur.
Gjatë kontrollit në banesën e G.P., shërbimet e policisë kanë gjetur një armë zjarri pistoletë dhe një sasi të vogël lënde të dyshuar kanabis në formë çokollate.
Në cilësinë e provës materiale u sekuestruan arma e zjarrit pistoletë, 10 kg kanabis dhe automjeti tip “Audi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
