Ura e Krimesë është mbyllur pas raporteve për aktivitet të dronë ukrainas në zonë. Disa shpërthime u dëgjuan në Kërç pranë kantierit të anijeve “Zaliv” dhe sistemet e mbrojtjes ajrore thuhet se u aktivizuan.
Ndërtimi i urës 19 kilometra të gjatë që lidh Krimenë e pushtuar me territorin rus, filloi pas pushtimit të paligjshëm të gadishullit në vitin 2014 dhe përfundoi në vitin 2018.
Pasi u bë një rrugë kritike furnizimi për forcat ruse, ajo është sulmuar nga forcat e Kievit në disa raste dhe është dëmtuar rëndë nga sulmet e Ukrainës në tetor 2022 dhe korrik 2023.
Ura e Krimesë është objekt i një mosmarrëveshjeje midis Ukrainës dhe Rusisë në Gjykatën e Përhershme të Arbitrazhit.
Rajoni i Kërçit është cak i sulmeve ajrore. Sulmet në Krime ndodhin vazhdimisht, veçanërisht pranë urës.
Një shpërthim i fuqishëm në tetor të vitit 2022 shkaktoi rënien e një segmenti të rrugës dhe shkaktoi zjarr. /Telegraf
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
