.png)
Nga Gazeta ‘SI’ – Inflacioni në vend gjatë shkurtit raportohet 2.4%, sipas matjeve të Eurostat. Për të njëjtin muaj, INSTAT thotë se inflacioni ishte 1.9%.
Matur sipas metodës europiane, rritja më e madhe e çmimeve ka ndodhur në grupin e argëtimit dhe kulturës me 5.9% dhe pijet alkoolike e duhani e 4.1%. Me rritje po ashtu vihen re edhe grupet “Mobilim, pajisje shtëpie dhe mirëmbajtje” dhe “Hotele, kafene dhe restorante” me 3.1% secili, “Ushqime dhe pije joalkoolike” me 2.9%, “Veshje dhe këpucë” me 2.3%.
Inflacioni mesatar për shkurtin në Europë ishte 2.7%. Vendet me normën më të lartë të çmimeve në Europë përgjatë janë Maqedonia e Veriut me 6%, Hungaria me 5.7%, Rumania me 5.2% si dhe Kroacia dhe Serbia me 4.8% dhe 4.7% respektivisht.
Sipas shpjegimit të dhënë nga institucionet statistikore, inflacioni i harmonizuar sipas Eurostat mat ndryshimin e strukturës së shpenzimeve të konsumatorëve sipas produkteve, ndërsa inflacioni që matet nga autoritetet vendase mat ecurinë e çmimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
