Ministrja e Shëndetësisë Ogerta Manastirliu në një intervistë televizive ka folur mbi pranimin e vaksinave ruse dhe kineze. Manastirliu shpjegoi se kjo është në dorë të ekspertëve dhe tha se iu është lënë koha e nevojshme atyre për t’u shprehur, ndërsa vendimi nga komiteti i imunizimit ka ardhur tashmë.
"Komiteti i imunizimit ka bërë një vlerësim për vaksinat. Është një komitet i imunizimit i cili vlerëson dhe rekomandon për qeverinë përdorimin. E bëjnë për çdo vaksinë. Ata e kanë këshilluar pikërisht Ministrinë e Shëndetësisë dhe ky vendim i tyre ka kaluar dhe në komitetin e ekspertëve për të bërë vlerësimin dhe të vaksinave të tjera," shpjegoi Ministrja.
Ndërkaq për sa i përket varianteve të reja në vend, Manastirliu u shpreh se të enjten Komiteti Teknik i ekspertëve do të japë një vlerësim. Ministrja shtoi se për rreth një muaj ekspertët kanë dyshime mbi qarkullimin e varianteve të reja ndërkaq po përgatitet rapori final për ekzistencën e tyre.
"Sa i përket riinfektimeve ka raste që janë në hulumtim, për të parë dinamikën. Por edhe rastet e riinfektimeve, bashkë me shpeshtësinë, ishin indikatorët që çuan ekspertët në arsyetimin që mund të kemi rritje të transmetueshmërisë.
Ka një rënie, por vendet janë në alert prej mutacioneve," shtoi Manastirliu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.