Ministrja e Shëndetësisë Ogerta Manastirliu deklaroi në Kuvend se Shqipëria ka dalë nga zona e kuqe e Covid-19 ndërsa ka folur dhe për situatën epidemiologjike në dy javët e fundit.
“Vendi ynë, bazuar në të dhënat epidemiologjike, ka dalë nga zona e kuqe, pra nga zona e riskut së Covid-19, krahasuar me vendet e tjera, qoftë të rajonit dhe qoftë të Europës”, tha Manastirliu.
Duke folur për kalendarin e vaksinave, Manastirliu tregoi se pritet zgjerimi i fashave sipas grupeve të riskut.
“Pak ditë më parë kanë mbërritur në Shqipëri 11,700 doza të vaksinës Pfizer ndërkohë që çdo javë pritet lëvrimi i mëtejshëm i kontratave të lidhura, duke siguruar dozat e dyta por edhe duke zgjeruar fashat, sipas grupeve të riskut”, tha Manastirliu.
Ajo tha se brenda muajit maj do të përmbyllet vaksinimi i stafeve të operatorëve turistik për të pasur një sezon turistik më të lehtësuar.
Ministrja e Shëndetësisë u shpreh se vendi ynë ka aktualisht një incidencë të ulët dhe numri i pacientëve në spitale është ulur në 111 të shtruar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.