.png)
Është kapur një tjetër ngarkesë kokaine në portin e Maltës me destinacion Shqipërinë.
Siç raportojnë mediat malteze, Departamenti i doganës konfiskoi të dielën 91.25 kg kokainë të fshehur brenda tre kontejnerëve në Freeport.
Dy prej kontenierëve kishin si destinacion Durrësin, ndërsa një prej tyre Selanikun. Droga u zbulua nga pajisjet e skanimit që tregonin parregullsi në kontejnerët rreth të cilëve zyrtarët kishin dyshime dhe operacioni zgjati rreth 19 orë.
Në kontejnerin e parë kishte 20 pako kokaine, të cilat peshonin 24 kg në vlerë prej 2.7 milionë eurosh, në të dytin ishin 40 paketime prej 48 kg në vlerë prej 5.4 milionë euro , ndërsa në kontejnerin e tretë, ishin 16 pako që përmbanin 19.25 kg kokainë me vlerë 2.2 milionë euro.
Kokaina e gjetur pason atë të 9 prillit, ku u kapën 24 kg kokainë.
Sakaq nga policia vijojnë hetimet për zbulimin e personave të përfshirë në trafikim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
