Gazeta Si- Një mjet u përfshi nga flakët gjatë ecjes në afërsi të një karburanti në pjesën e unazës veriore të qytetit të Korçës.
Drejtuesi i mjetit, sapo ka parë flakët ka dalë menjëherë jashtë, ndërkohë që automjeti i tij, tip “Ford” me targat AB 976EB, është djegur pothuajse plotësisht, megjithëse shërbimi zjarrfikës ka ardhur shumë shpejt në vendin e ngjarjes
Dyshohet se shkak i zjarrit është bërë një defekt elektrik në mjetin e tij, i cili ishte i pajisur me bombël gazi.
Ky është rasti i dytë brenda pak ditësh që mjetet përfshihen nga flakët. Të dielën, babë e bir mbetën të plagosur në aksin Korçë-Bilisht gjatë furnizimit të mjetit me karburant, pasi kryefamiljari ndezi një cigare, duke shkaktuar djegien e makinës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.