Gazeta Si - Një aksident i rëndë ka ndodhur mbrëmjen e të enjtes në aksin rrugor Lushnjë-Rrogozhinë, ku pas 9 orësh kërkimesh, është gjetur trupi i pajetë i shoferit 22-vjeçar, Fabjol Ibraliu.
Dyshohet se 22 vjeçari ka qenë me shpejtësi prej 160k/h, kur ka humbur kontrollin ka marrë me vete barrierat e hekurat dhe ka përfunduar në oborrin e një shtëpie në anë të autostradës.
![](https://gazetasi.al/wp-content/uploads/2024/05/kina-1.webp)
![](https://gazetasi.al/wp-content/uploads/2024/05/kina-2.jpg)
![](https://gazetasi.al/wp-content/uploads/2024/05/kina.webp)
Fillimisht i riu u përplas me disa makina që ndodheshin anës rrugës, e më pas ka përfunduar në afërsi të disa banesave.
Banorët mëngjesin e kësaj të premteje e kanë gjetur mes shkurreve dhe barishteve trupin e pajetë të tij, ku mes lotëve dhe të bërtiturave ata kërkonin ndihmë dhe thërrisnin “bobo e gjetëm”, ndërkohë që vinin duar në kokë.
Në një video të mbrëmjes së djeshme shihet nëna e drejtuesit të mjetit të zhdukur, e cila kërkon të birin dhe pyet ku është i biri. “Ku është djali, nuk është gjallë ai!” thotë ajo e tronditur. mes të bërtiturave dhe ulërimave!
Një punonjës përpiqet ta qetësojë, ku i thotë se i biri nuk është në makinë dhe është larguar nga vendi i ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.