.png)
Ministria e Shëndetësisë publikoi urdhrin e kufizimit të lëvizjes nga ora 22:00 deri në orën 06:00, ku parashikohen edhe kategoritë e personave që lejohen të qarkullojnë në këtë orar.
Përjashtim nga rregulli bëjnë personat që duhet të lëvizin për arsye shëndetësore, motive pune, apo nevoja të domosdoshme. Leja e lëvizjes për këtë kategori duhet të merret më parë përmes portalit e-Albania.
Në këtë orar mbyllen edhe baret dhe restorantet me përjashtim të shërbimit të dërgesave në shtëpi.
Lejohet lëvizja e lirë pa qenë nevoja për të aplikuar në e-Albania e punonjësve të shëndetësisë dhe të strukturave të shërbimeve kritike, të cilët duhet të mbajnë me vete një dokumentacion që provon se janë pjesë e këtyre dy grupeve.
Ministrja Manastirliu paralajmëroi ndëshkime administrative për shkelësit e këtij urdhri, që do të zbatohen nga Inspektorati Shëndetësor dhe nga Policia e Shtetit.
“Sa i përket zbatimit të masave që kemi shpallur, do të jenë organet kompetente të përcaktuara në aktin normativ për marrjen e masave të cilët do të zbatojnë këto masa dhe do të ketë masa administrative qoftë nga Inspektorati Shëndetësor, që do jenë zbatues të këtij urdhri dhe nga policia e shtetit”, deklaroi ajo.
Manastirliu tha gjithashtu se në spitale janë 360 pacientë që po trajtohen dhe sipas saj nuk ka asnjë mungesë, as logjistike dhe as burimesh njerëzore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje