.png)
Shumica e pjesëve të jashtme të avionëve duken pak a shumë njësoj: sfond i bardhë, shkronja të theksuara, logoja e kompanisë. Por herëpashere, një kompani ajrore zbulon një ngjyrë që dallon nga të tjerat.
Linja ajrore gjermane Condor është transportuesi më i fundit që e ka ngritur lojën me ngjyrat në një tjetër nivel.
Flota e Condor së shpejti do të jetë në vija të theksuara, në ngjyrë karamelesh, të frymëzuara nga “çadrat e diellit, peshqirët dhe karriget e plazhit”, sipas linjës ajrore.
Condor ishte në pronësi të kompanisë britanike të pushimeve Thomas Cook, e cila u shemb në vitin 2019.
Tani linja ajrore e kohës së lirë po del më vete, me një pamje të re për të festuar. Vijat shumëngjyrëshe, të dizenjuara nga agjencia krijuese e Berlinit, Vision Alphabet, synojnë të ngjallin nostalgji për pushimet e kaluara dhe emocione për pushimet e së ardhmes.
Ka pesë opsione ngjyrash: Condor thotë se vijat blu përfaqësojnë detin, vijat e verdha kujtojnë rrezet e diellit, e kuqja përfaqëson “pasionin”, jeshilja përfaqëson “ishullin” dhe një shirit ngjyrë bezhë-ari duhet t’i bëjë udhëtarët të mendojnë për një plazh me rërë.
Linja ajrore sugjeron se vijat përfaqësojnë gjithashtu “diversitetin e të ftuarve, punonjësve të Condor dhe shumë mundësi për të zbuluar botën me Condor”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
