.png)
Nga Gazeta ‘SI’ – Një ligj i ri i dalë për konsultim, lehtëson përgjegjësitë e qeverisë shqiptare për t’u përgjigjur gjatë fatkeqësive natyrore.
“Për mbrojtjen civile” është ligji që po pëson disa ndryshime dhe specifikisht, neni 41 i heq shtetit përgjegjësinë për kompensim, por e kufizon atë në “ndihmë shtetërore”. Pra, shteti do të mundet të bëjë dhurime shtesë për pasojat e fatkeqësisë, por jo të përgjigjet për dëmet.
LEXO EDHE:
– Projektligji / Sigurimi i banesave nga tërmeti do të bëhet me detyrim, përfshihen edhe banesat sociale me qira dhe ato në proces legalizimi
– Siguruesit kundër ligjit të sigurimit të banesave me detyrim: Cënon tregun. Lëreni në dorë të privatit!
Projektligji i ri, pritet të miratohet në shtator dhe parashikon krijimin e “Fondit Kombëtar të Tërmeteve”, me shtetin pronar dhe ministrisë e Financave drejtues.
Kjo duket si një shtysë tjetër e qeverisë për sigurimin e detyrueshëm të banesave në rast fatkeqësie, por në një skemë shtetërore e jo private. Propozimi fillestar hapi debat midis qytetarëve, ekspertëve dhe kompanive të sigurimit, dhe qeveria e tërhoqi draftin, por jo idenë.
Për sigurimin e banesës do të vendoset një prim i unifikuar me kohëzgjatje 1-vjeçare, por detaje publike nuk ka akoma.
Ndryshimi që erdhi pas propozimeve të Bankës Botërore dhe Fondit Monetar Ndërkombëtar, do të prekë të gjitha llojet e banesave, por nuk përfshin asnjë lloj dëmi tjetër jo material apo financiar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
