Ka ndodhur

Lezhë, ekzekutohet efektivi i FNSH, 26-vjeçari Xhulio Prela

Xhulio Prela, efektiv i policisë, 26-vjeçar mbeti i vrarë në Lezhë, në zonën e njohur si “Gajush” pas mesnate.

Trupi i tij është gjetur brenda një automjeti, ndërsa nuk dihet nëse ekzekutimi ka ndodhur në vendin ku u gjet efektivi.

Sipas burimeve Xhulio Prela kohët e fundit punonte në Tiranë dhe banonte në Lezhë.

Policia tha se nga veprimet paraprake hetimore dyshohet se i riu ka humbur jetën nga përdorimi i armës së zjarrit.

Për zbardhjen e ngjarjes është ngritur një grup i pocaçëm hetimor me ekspertët e Policisë Kriminale nga Departamenti i Policisë Kriminale dhe të DVP Lezhë, nën drejtimin e Prokurorisë ku vijon puna për sqarimin e rrethanave të ngjarjes, me qëllim identifikimin dhe kapjen e autorëve.


Copyright © Gazeta “Si”




Më Shumë