.png)
DPSHTRR njofton për risinë mbi ‘lejen e re të qarkullimit të mjeteve rrugore’ e cila është në përputhje me direktivat EU (e njëjtë̈ si cilësi/siguri me modelin gjerman).
DPSHTRR ka njoftuar gjithashtu se qytetarët e subjektet do të kursejnë̈ 30% nga tarifa ekzistuese (2100 Lek do të kushtojë Leja e re, nga 3000 Lek që paguhet për dokumentet aktuale të mjetit). Gjithashtu, në lejen e re eliminohet certifikata e pronësisë, hiqen vulat e kontrollit teknik (kolaudimit) nga dokumenti i ri duke e bërë̈ të mos skadojë̈ për mungesë hapësirë vulash dhe eliminohet nevoja për Leje Ndërkombëtare mjeti sepse dokumenti i ri vjen me format e kode universale.
Prokati i ri del me 10 elemente sigurie dhe me material NEOBOND që nuk dëmtohet nga lagia e me rezistencë ndaj grisjes si edhe me QR Code, njofton DPSHTRR.
DPSHTRR ka bërë me dije se leja e re lëshohet për regjistrimet e reja dhe për këdo që dëshiron ta zëvendësojë. Nuk është e detyrueshme për mbajtësit e lejes aktuale deri në dëmtim, humbje apo skadim të saj. Përfitojnë rreth 150 mijë aplikues në vit. Personalizimi i lejes së re realizohet me puntim që nuk lejon falsifikimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
