.png)
Dueli për titullin kampion nga Partizani-Skënderbeu, dalë ngadalë po spostohet në Teuta-Partizani. Skuadra durrsake është ne vendin e dytë prej dy javësh dhe tashmë është gati për ta bërë hapin e madh. Por para se të konsiderohet një pretendente serioze për titullin, skuadra e Bledi Shkëmbit duhet të mposhtë këtë të shtunë Laçin. Sfida mes dy ekipeve luftarake dhe agresive pritet të jetë shumë e luftuar.
Një fitore e durrsakëve i çon në kuotën e 35 pikëve dhe do të ishte një presion i fortë për Partizanin që luan të dielën. Ndërsa një triumf i Laçit nga ana tjetër i katapultonte kurbinasit automatikisht në vendin e dytë, duke krijuar një situatë të favorshme për “të kuqtë” që mund të shkëputeshin të vetëm në krye të tabelës.
Sfida Teuta-Laçi e vlefshme për javën e 18-të të Superligës starton prej orës 17:00 dhe mund të ndiqet përmes platformës Digitalb në kanalin Supersport 3.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
