.png)
Pas ftesës publike, Presidenti Ilir Meta ka pritur sot anëtaret e reja të Gjykatës Kushtetuese të cilat janë betuar dhe nga nesër do të mund të vijojnë detyrën e re.
E para që është betuar ka qenë Elsa Toska, e cila me dorën mbi Kushtetutë, u shpreh se ajo do jetë garante e saj dhe do i qëndroj gjithmonë besnike.
Duke vendosur dorën mbi Kushtetutën e Shqipërisë, gjyqtarja Toska u betua para Presidentit Meta:‘Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë!’.
Pas saj radha ishte për Marsida Xhaferllarin, e cila ka qenë zonja që shkaktoi debat mes maxhorancës dhe Presidentit.
Xhaferllari njësoj si kolegja e saj, u betua mbi Kushtetutë dhe u shpreh se do e respektoje gjithmonë dhe do i qëndroje besnike. E fundit që u betua ishte Fiona Papajorgji.
“I lumtur që më në fund, pas dy vitesh, fillon sot nga funksionimi Gjykata Kushtetuese e Republikës së Shqipërisë! Urime tre anëtareve të reja të kësaj Gjykate,
znj.Elsa Toska, znj.Marsida Xhaferllari dhe znj. Fiona Papajorgji!", tha Meta.
Arta Vorpsi me heret ka sfiduar autoritetin e presidentit Ilir Meta, duke shmangur ceremoninë e betimit tek kreu i shtetit, por duke u betuar tek një notere private. Kopjen e betimit, Vorpsi ia ka dërguar Metës, KED dhe Gjykatës Kushtetuese me Postë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
