.png)
Nuk ndalen polemikat për “çështjen Berat” dhe vendimin e kryeministres Giorgia Meloni, me pushime në Shqipëri si shumë bashkatdhetarë, për të paguar faturën nga ambasada italiane për katër turistët italianë që u arratisën nga restoranti pa paguar darkën. Për rastin në fjalë një reagim i fundit ka ardhur edhe nga gazetari dhe ish-senatori i PD Tommaso Cerno, aktualisht drejtor i gazetës “L’Identita”.
Ai ka provokuar në Twitter (X): “Gjest i bukur i Melonit për faturën e papaguar të një grupi hajdutësh italianë. Por nëse ambasada shqiptare do të dëmshpërblente Italinë për vjedhjet e kryera në 20 vitet e fundit nga shtetasit shqiptarë, ajo do të falimentonte”.
Pas këtij postimi reagimet dhe indinjatat kanë qenë të pashmangshme.
Një përgjigje ka ardhur edhe nga Ermal Meta, kantautori dy herë fitues në Sanremo, i rritur në Bari, pasi u largua fëmijë nga Shqipëria.
Në një postim në Twitter, kantautori shkruan: “I dashur Tommaso, me sa duket antenat e drejtuara drejt Perëndimit (i vetmi drejtim i mundshëm) i kanë mësuar disa të jenë të pandershëm dhe dashakeqës. Shpesh njerëzit e zakonshëm maskohen nga ironia, por pikërisht kur vrenjten e tregojnë veten për atë që janë. Domethënë pak. Dhe më vjen keq sepse mendoj se je një njeri shumë inteligjent”.
Bel gesto di Meloni per il conto non pagato da un gruppo di italiani ladri. Ma se l'ambasciata albanese risarcisse l'Italia per i furti perpetrati negli ultimi 20 anno da cittadini albanesi andrebbe in bancarotta
— Tommaso Cerno (@Tommasocerno) August 19, 2023
Sipërmarrësja Anita Likmeta: “Nuk ju detyrohemi asgjë, ju jeni një idiot”
Por, muzikanti nuk ishte i vetmi që iu përgjigj ashpër Cernos. Edhe sipërmarrësja, gazetarja dhe aktivistja shqiptare Anita Likmeta përdori tone shumë të ashpra ndaj Cernos. Likmeta, në një postim të gjatë në Twitter, tha se mbërriti në Itali në moshën 11-vjeçare nga Shqipëria: Shqiptarët, sidomos ne fëmijët, kemi paguar një çmim shumë të lartë për atë që na ka bërë shtypi italian, pra atë që njerëz si ju na kanë bërë. Na keni bërë të ndihemi si asgjë e përzier me asgjë prej vitesh. Ne ishim pa shtetësi, hije të tmerruara nga paragjykimi i parapaketuar që transmetohej çdo ditë”. Dhe biznesmenia vazhdon: “Qeveria shqiptare nuk i detyrohet absolutisht asgjë Italisë, e cila po të hapim këtë debat, në vend të kësaj duhet të japë shpjegime për shembull për piramidat financiare dhe 103 shqiptarët që u përplasën dhe u vranë në kanalin e Otrantos në 1997. Të vdekurit që edhe sot nuk e kanë marrë kurrë drejtësinë”.
Dhe Likmeta përfundon: “Kryeministri Edi Rama bëri shumë mirë që e la kryeministren Giorgia Meloni të shijonte mezen e asaj urrejtjeje dhe paragjykimi, viktima të së cilës kemi qenë të gjithë ne shqiptarët në Itali dhe në botë. Dhe zoti Cerno, më lejoni t’ju them, ju jeni një idiot. Informohuni!”.
Io sono quella albanese di cui lei parla. Avevo 11 anni quando sono arrivata in #Italia. Gli albanesi, soprattutto noi bambini/e, abbiamo pagato un prezzo altissimo per quello che la stampa italiana, quindi quelli/e come lei, ci avete inflitto. Ci avete fatto sentire per anni… https://t.co/tsOmLRCOTb
— Anita Likmeta (@nitalikmeta) August 20, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
