Kur bëhet deklaratë politike me anë të veshjes

Edhe një veshje mund të shërbejë si një deklaratë politike, sidomos në Met Gala ku vëmendja e gjithë botës është tek personazhet dhe ajo që kanë veshur.

Madonna e quajti pamjen e saj të guximshme Givenchy në Met Gala 2016 “një deklaratë politike si dhe një deklaratë mode” për të drejtat e grave.

Veshja e Madonës përbëhej kryesisht nga dantella e zezë.

“Fakti që njerëzit në të vërtetë besojnë se një grua nuk lejohet të shprehë seksualitetin e saj dhe të jetë aventuriere pas një moshe të caktuar është dëshmi se ne ende jetojmë në një shoqëri seksiste”, shkroi Madonna në një postim në Instagram disa ditë pas Met Gala. “Unë kurrë nuk kam menduar në mënyrë të kufizuar dhe nuk do të filloj të mendoj. Ne nuk mund të bëjmë ndryshim nëse nuk jemi të gatshëm të rrezikojmë. Kështu e ndryshojmë historinë”.

Pelerina e Lena Waithe në Met Gala me temën e Kishës Katolike në 2018 dërgoi një mesazh të fuqishëm.

Në një intervistë me Vogue në maj 2018, Waithe shpjegoi se donte të tregonte mbështetje për komunitetin LGBTQ+ “pasi kisha katolike vazhdon të ketë një marrëdhënie jo të mirë me homoseksualitetin”.

“Sonte, kjo pelerinë nuk është imagjinare, është me ngjyrë ylberi”, tha ajo për Vogue.

Vitin e ardhshëm, aktorja Lena Waithe veshi kostum me deklarata në anën e pasme.

Kostumi i Waithe përmbante disa fjali për komunitetin LGBTQ+. Shiritat ishin bërë nga tekstet e këngëve “Unë po dal”, “Ti më bën të dukem”, “Ne jemi familje”, “Supermodel”, “Mos më lër në këtë mënyrë”, “Unë do të mbijetoj”.

Këto janë tekste të reperëve Nipsey Hussle, Tupac, Jay-Z, Nas, Drake, Meek Mill, Kendrick Lamar dhe J. Cole.

Në galanë e 2019-ës, politikania Carolyn B. Maloney veshi një fustan të verdhë neoni me një xhaketë zjarrfikësi që ajo u zotua ta vishte në nderim të 11 shtatorit.

“Sa herë që dikush më sheh të veshur me këto, mund ta ndjejë tmerrin e asaj dite dhe të ndjejë kujtimin e njerëzve që humbën jetën”.

Në vitin 2021, Maloney veshi një fustan të bërë me vargje “të drejta të barabarta për gratë”.

Fustani shumëngjyrësh ishte i mbuluar me një pelerinë që shkruante “të drejta të barabarta për gratë”. Maloney mbante gjithashtu një çantë ku shkruhej “ERA YES”, duke shprehur mbështetje për ratifikimin e Amendamentit për të Drejtat e Barabarta.

Në paraqitjen e saj të parë në Met Gala në 2021, Alexandria Ocasio-Cortez veshi një fustan të shkruar “tax the rich”(taksoni të pasurit).

“Është vendi perfekt për të ngritur zërin në këtë mënyrë”, tha ajo.

Nikkie de Jager, e njohur më mirë si NikkieTutorials, kishte veshur një look të frymëzuar nga aktivistja LGBTQ+ Marsha P. Johnson në vitin 2021.

YouTuber-ja Nikkie de Jager kishte veshur një fustan ngjyrë kafeje të zbukuruar me lule dhe ishte frymëzuar nga aktivistja Marsha P. Johnson.

“Ajo ishte në ballë të trazirave të Stoneëall-it dhe është njeriu që të nxit të mos e vrasësh mendjen për barrierat dhe ja ku jam këtu, pa më interesuar barrierat”.

De Jager doli si një grua transgjinore në një video në vitin 2020.

Burimi: Insider. Përshtati: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.