.png)
Gazeta Si – Kombëtarja shqiptare mbylli përgatitjet e ndeshjes ndaj Polonisë me një seancë të fundit të zhvilluar sot në mbrëmje në stadiumin “Air Albania”. Trajneri Silvinjo ka punuar për gati një orë me ekipin, që ishte i plotë.
Të gjithë lojtarët kanë marrë pjesë në këtë sancë dhe gjendja është optimale. Ishte një seancë e lehtë, ku stafi teknik ka dhënë më tepër udhëzime taktike për situata të ndryshme loje. Edhe Bare e ka kaluar problemin që kishte ditën e premte, pas kthimit nga Çekia.
Shqipëri-Poloni luhet të dielën në “Air Albania”, duke nisur nga ora 20:45. Një sfidë mjaft e rëndësishme, ku kuqezinjtë synojnë të marrin maksimumin e pikëve me mbështetjen e tifozerisë. Të gjitha biletat janë shitur dhe stadiumi do të jetë i mbushur plot.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
