Gazeta Si – Në edicionin 2025, Kupa e Afrikës do të zhvillohet në verë. Lajmi është bërë i ditur nga Federata Marokut, vendit organizator të eventit, me anë të një komunikate, ku konfirmonte në detyrë trajnerin Valid Regragui, pavarësisht eliminimit në 1/8-at nga Afrika e Jugut.
Një vendim ky që në fakt lumturon klubet europiane, sepse nuk do të jenë më të detyruar të humbasin lojtarët e tyre në mes të sezonit, siç ka ndodhur deri tani. Aq më tepër për ato klube që kanë impenjime të dyfishta mes kampionatit dhe kupave të Europës.
Nuk është hera e parë që Kupa e Afrikës zhvillohet në verë. Ka ndodhur më parë në 2019-ën, në Egjipt. Problem për futbollistët do të jenë temperaturat e larta. Në 2019-n, sulmuesi i Nigerisë, Kalu, ra pa ndjenja në fushë teksa stërvitej me shokët e skuadrës para ndeshjes me Burundin. Shkak ishte pikërisht i nxehti i madh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
