Gazeta Si - Policia ka nisur hetimin për vrasje për trupin e pajetë të gjetur në Kreshovë të Ersekës, që dyshohet të jetë i 28-vjeçarit Sherif Mukaj.
Ai ishte zhdukur që nëntorin e shkuar dhe trupi i gjet i dekompozuar nga disa barinj të zonës.
Pranë trupit të të riut, u gjet çelësi i shtëpisë së tij dhe një celular Nokia i vjetër.
Këtë të hënë, policia njofton se nga këqyrja e viktimës në pjesën e kafkës, është konstatuar një vrimë tejshpuese që dyshohet të jetë shkaktuar nga arma e zjarrit.
Hetuesit dyshojnë për vrasje, megjithatë përgjigjen përfundimtare do ta japë ekspertiza mjeko-ligjore.
Por në vendin ku u gjet trupi i pajetë nuk u konstatua asnjë gëzhojë apo predhë arme zjarri, çka ngre dyshimet se i riu mund të jetë ekzekutuar në vend tjetër dhe më pas trupi i është hedhur aty ku u gjet.
Pavarësisht dyshimeve se kufoma i përket Sherif Mukajt, do të jetë ekspertiza e mjeko-ligjorëve që do të konfirmojë shkencërisht identitetin e viktimës.
Lidhur me këtë ngjarje policia po heton për veprën penale të vrasjes me paramendim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.