Ka ndodhur

Grabisnin me dhunë në zonën e Liqenit Artificial, arrestohen pas vëzhgimit disa javor dy policë

Muajt e fundit në komisariatin nr. 1 në kryeqytet, ishin rritur rastet e grabitjeve të celularëve apo sendeve me vlere në zonën e Liqenit Artificial, denoncuar nga qytetarë që dilnin për shëtitje.

Top Channel thotë se se si për ironi të fatit, nga verifikimet rezultoi se autorë të këtyre grabitjeve ishin 2 policë. Të dyshuarit u mbajtën nën vëzhgim për disa javë dhe mëngjesin e sotëm u vunë në pranga.

Si autor i këtyre ngjarjeve u arrestua polici i Patrullës së komisariatit nr1. S. Cani 23 vjeç dhe polici bashkiak S. Muzikanti 39 vjeç.

Për rastin është njoftuar dhe Agjencia e Mbikqyrjes Policore e cila po kryen veprimet.


Copyright © Gazeta “Si”


Më Shumë