.png)
Besimtarët ortodoksë festojnë Pashkët. Me lutjet për paqe dhe mirësi, ortodoksët ndoqën meshën e ngjalljes së Krishtit në Kishat dhe Katedralet në gjithë vendin. Ngjallja e Krishtit këtë vit kulmoi në mesnatën mes 4 dhe 5 majit.
Në Tiranë, mesha e shenjtë e Pashkës u kremtua në Katedralen ‘Ngjalla e Krishtit’, nën drejtimin e Kryepeshkopit Anastas Janullatos.
Në Tiranë, mesha e shenjtë e Pashkës u kremtua në Katedralen ‘Ngjallja e Krishtit’ , nën drejtimin e Kryepeshkopit Anastas Janullatos.
Besimtarët kanë ndezur qirinj në Katedralen Ortodokse për të çuar në shtëpi dritë si simboli i kësaj feste.
Gjatë meshës Kryepeshkopi foli për më shumë dashuri në vendin tonë, 'të cilin shpeshherë e mundojnë mërzitë, përçarjet, armiqësitë, sëmundjet e rënda, krizat e shumëllojshme.
Ndërsa në vigjilje të Pashkës, kryepeshkopi Janullatos uroi të gjithë besimtarët, i cili tha se vëmendja këtë vit shkon në vendet e përfshira në konflikte si Ukraina, Gaza e Sudani.
Pas meshës, besimtarët u largohuan me qirinj të ndezur në duar, që simbolizon dritën e shpresës për të çuar në shtëpitë e tyre mirësi dhe begati.
Festime pati gjithashtu dhe në qytetet e tjera të vendit tonë, ku kryeqendra e kësaj ngjarje të fesë ortodokse vijon të mbetet Korça.
Me qindra besimtarë nga Korça dhe të ardhur nga të gjitha qytetet e Shqipërisë, qëndruan në mesnatë para Katedrales për të marrë “dritën e shpresës” nën urimin, Krishti u Ngjall!
Urimet nuk mungojnë as nga politika, nga Presidenti Bajram Begaj, te kryeparlamentarja Lindita Nikolla, kryedemokrati Lulzim Basha e Presidenti i Partisë së Lirisë, Ilir Meta.
“Gëzuar Pashkën, ditën e besimit dhe të shpresës për të gjithë besimtarët ortodoksë shqiptarë! Kjo festë e shenjtë përbashkon sot kudo te gjithë besimtaret ortodoksë”, shkruan Begaj. Ndërsa kryeministri Rama zgjodhi një foto për të uruar të gjithë besimtarët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
