.png)
Gazeta Si – Një ditë pas ngjarjes tragjike në Vidhisht të Roskovecit, ku 61-vjeçari Xhevair Hoxha vrau me thikë partneren e djalit të tij dhe më pas u vetëvar në pemë, ceremonitë mortore janë bërë të ndara.
Djali i autorit, Fatjon Hoxha ka zgjedhur babain, duke munguar në funeralin e Merushe Hazizit, ndonëse kryefamiljari nuk e pranonte lidhjen e tyre.
Përcjellja për në banesën e fundit të Xhevair Hoxhës në Vidhisht është shoqëruar nga një numër i vogël personash, ndërsa janë vërejtur forca të shumta policie në zonë për të shmangur ndonjë hakmarrje të mundshme nga familjarët e viktimës.
Në të njëjtën ditë, familjarët e Merushes kanë hapur dyert e mortit në fshatin Suk 1 dhe që në orët e para të mëngjesit e kanë përcjellë në banesën e fundit 30-vjeçaren, cila u vra mizorisht me thikë nga babai i bashkëjetuesit.
E reja, nënë e 3 fëmijëve nga martesa e parë do të prehet në varrezat pranë familjes së saj.
Djali i Xhevahirit, ka qenë i martuar me parë dhe ka një fëmijë 9 vjeç me gruan e parë.
Ndarja nga gruaja e parë dhe bashkëjetesa me Merushen, ishte e papranueshme nga babai i djalit, Xhevahiri, i cili nuk e pranoi kurrë bashkëjetesën e të birit me Merushen. Fqinjët e gruas shpjeguan në mënyrën e tyre arsyet e konfliktit që çoi në dy vdekje.
“Ajo goca ishte me tre fëmijë, la burrin që kishte nga Berati dhe u lidh me këtë nga Vidhishtja, i vjehrri nuk donte. Ky la nusen e parë me djalin 10 vjeç dhe mori këtë”, – thanë ata.
Prej tre vjetësh ata kishin debate të vazhdueshme, deri sa të martën, 61-vjeçari e masakroi me thikë 30-vjeçaren në tualetin e banesën e tyre në fshatin Vidhisht të Roskovecit.
Pasi kreu krimin, ai u vetëvar në një pemë që ndodhet në pjesën e pasme të shtëpisë. Duke mos përballuar dot sherret Fatjoni me Merushen për dy vjet jetuan me qira në Fier.
Por disa javë më parë u kthyen në fshat. Mes tyre dhe Xhevairit kishte nisur një tjetër konflikt, ai për pronësinë e shtëpisë.
Debatet për këtë shkak kanë qenë të vazhdueshme dhe shpesh herë për të shuar konfliktet ka qenë prezente edhe policia.
Në mars, autorit i ishte refuzuar nga Gjykata e Fierit një urdhër-mbrojtjeje, në mënyrë që Merushja të mos i afrohej banesës, pasi ndihej i rrezikuar nga ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
