.png)
Për të katërtën ditë radhazi në Itali, numri i të infektuarve ka ardhur duke rënë, duke ngjallur shpresë se epidemia në vendin fqinj po vjen drejt shuarjes.
Gjatë 24 orët e fundit, numri i të infektuarve me COVID-19 është 3,490, me gati 200 më pak të raste se rtë martën.
Drejtori i Operacioneve të Departamentit të Mbrojtjes Civile Italiane, Luigi D'Angelo deklaroi se edhe numri i viktimave ka pësuar po ashtu ulje të lehtë, edhe pse është akoma shumë i lartë. Gjatë 24 orëve të fundit në Itali kanë humbur jetën 683 persona ndërsa të martën humbën jetën 743 viktima.
Numri total i viktimave ka arritur në 7503 njerëz, ndërsa ai i të shëruarve në 9,362. Që nga fillimi i epidemisë, numri i përgjithshëm i personave të infektuar është 74,386 persona.
Pas Kinës dhe Italisë, tani i gjithë Perëndimi po kaplohet nga përhapja e epidemisë. Pas Italisë, edhe në Spanjë, numri i viktimave e ka kaluar shifrën zyrtare të viktimave në Kinë. Në 24 orët e fundit, Spanja ka regjistruar 738 viktima, duke e kanë çuar numrin e viktimave në 3,434.
Kryeministri i Spanjës, Pedro Sanchez, ka kërkuar që të zgjatet gjendja e jashtëzakonshme në këtë vend edhe për dy javë të tjera.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
