Në shumë vende të botës përfshirë dhe Korenë e Jugut po implementohen qëndra testimi për Covid-19 përgjatë rrugëve kryesore të vëndit. Ekipi i gazetarëve i Wall Street Journal siç mund të shihet dhe nga video e mësipërme vizitoi njërën prej këtyre qëndrave ambulante të hapura nga shteti, në Seul të Koresë së Jugut. Mënyra e testimit në këto qendra, në të cilat ti fare lehtë mund të kalosh me makinë, funksionon në këtë mënyrë. Fillimisht ti plotëson një formular e në bazë të përgjigjeve mjekët e specializuar shohin nëse është i nevojshëm testimi për Covid-19 për ty. Nëse është i nevojshëm mjekët të masin temperaturën e të marrin një kampion sekrecionesh nga hunda. Pas disa orësh ty të vjen një përgjigje me mesazh nëse je apo jo i infektuar me koronavirus.
Këto qendra ambulante testimi kanë rezultuar shumë të sukseshme në vendet që janë implementuar. Ato falë numrit të madh të tyre e shpejtësisë së mënyrës së mbledhjes së kampioneve nuk kanë krijuar rradhë të gjata për shoferët që duan të dinë për veten e tyre si dhe familjarët nëse janë të prekur nga virusi. Në Kore të Jugut, vëndi i katërt me përhapjen më të madhe të Covid-19 në botë, me plot 8162 raste të konfirmuara, qeveria ka hapur mbi 500 qendra të këtilla testimi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
