.png)
Gazeta Si - Konflikti për një gotë vaji, dyshohet se ka qenë shkaku i një rasti dhune në një familje në qytetin e Korçës.
Një 55-vjeçare nga Korça ka shkuar në spital me frakturë në këmbë dhe ka akuzuar bashkëshortin e saj se e ka dhunuar disa ditë më parë, duke e privuar nga marrja e shërbimit mjekësor.
Sipas 55-vjeçares Diana Mulla, ngjarja ka ndodhur rreth një javë më parë në banesë, ku bashkëshorti i Dianës, Fatos Mulla, e ka shtyrë në shkallët e shtëpisë private, duke i shkaktuar thyerje të këmbës së djathtë.
Mësohet se ai e ka mbajtur në banesë deri ditën e djeshme, e më pas e ka çuar në spital, aty ku e dhunuara ka treguar për bluzat e bardha se bashkëshorti e ka shtyrë.
55-vjeçarja ka probleme shëndetësore, ku ka pësuar paralizë dhe vuan nga zemra, pra konsiderohet si person invalid.
Ajo denondoi këtë të enjte në polici, ndërsa bashkëshorti Fatos Mulla u shoqërua në komisariat për të dhënë deklaratën e tij.
Shkak për konfliktin mes tyre, është një motiv banal, grindje për një gotë vaji, siç thuhet nga ana e të dhunuarës.
Përgjatë këtyre ditëve, bashkëshorti nuk e ka lejuar të kontaktojë më familjarët e saj, ndërsa bëhet me dije se vajza e vetme e çiftit jeton prej vitesh në Itali.
Sipas burimeve nga spitali dhe bluzave të bardha, dëmtimet e shkaktuara nga dhuna, janë të pariparueshme, të cilët tregojnë se është shumë e vështirë për të kuruar totalisht këmbën e djathtë dhe ka rrezik që të dëmtuarës të mos i funksionojë këmba.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
