.png)
Gazeta Si - Një sherr për motive të dobëta mbrëmjen e së dielës ka përfunduar me lëndimin e një personi në qytetin e Korçës.
Policia tha se një 49-vjeçar i identifikuar si A.S., ka goditur me mjete të forta në kokë një 55-vjeçar me iniciale A.F.
Ata fillimisht janë konfliktuar verbalisht, ndërsa 49-vjeçari ka goditur me sende të forta në kokë 55-vjeçarin duke i shkaktuar fraktura dhe çarje. Autori i dyshuar i ngjarjes është shoqëruar në komisariat.
Sakaq, 55-vjeçari ka marrë lëndime të thella në kokë dhe për pasojë është transportuar me urgjencë drejt Tiranës, për ndihmë mjekësore të specializuar. Grupi hetimor po punon për sqarimin e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
