Gazeta Si - Pesë persona janë arrestuar në 24 orët e fundit në Tiranë, të dyshuar për vepra të ndryshme penale.
Policia thotë e të ndaluarit dyshohen si të përfshirë në posedimin e lëndës narkotike dhe dhunë në familje.
Specialistët për Hetimin e Narkotikëve arrestuan në flagrancë shtetasin B.M., 37 vjeç, banues në Tiranë, pasi gjatë kontrollit fizik iu gjet një sasi lënde e dyshuar narkotike e llojit kokainë.
Agjentët e Komisariatit të Policisë Nr. 6, bënë arrestimin në flagrancë të shtetasit A. M., 48 vjeç, banues në Tiranë, pasi ka ushtruar dhunë fizike e psikologjike ndaj bashkëjetueses.
Ndërkohë, Specialistët e Qarkullimit Rrugor bënë arrestimin në flagrancë të shtetasve:
N.N., 23 vjeçe, E. Q., 19 vjeç, të dy banues në Tiranë, dhe A. M., 38 vjeç, banues në Fier, pasi u kapën duke drejtuar mjetet përkatëse pa leje drejtimi.
Materialet i kaluan Prokurorisë për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.