Një 43-vjeçar ka rënë në prangat e policisë pasi kishte përshtatur banesën e marrë me qira, për organizimin e veprimtarive të paligjshme të lojërave të fatit.
Nga të dhënat paraprake bëhet me dije se i arrestuar është shtetasi me inicialet B.H., banues në Sarandë. Po ashtu, janë proceduar penalisht edhe 5 shtetas të tjerë, pasi u kapën duke luajtur poker, në këtë ambient.
Sakaq, janë proceduar në gjendje të lirë për shtetasit: R. Ç., 44 vjeç, Xh. H., 25 vjeç, B. T., 41 vjeç, B. B., 29 vjeç dhe A. D., 45 vjeç, banues në Sarandë.
Në cilësinë e provës materiale u sekuestruan 1 tavolinë pokeri dhe çipsa, 36 200 lekë të rinj, 3 265 euro, 230 paund, si dhe 6 aparate celulare.
Materialet i kaluan Prokurorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.