.png)
Zyrtarë të lartë të Maqedonisë së Veriut dhe Malit të Zi kanë reaguar pas deklaratave të ministrit serb, Millosh Vuçeviç, i cili deklaroi një ditë më parë se këto dy vende e kanë zemëruar shumë Serbinë kur njohën Kosovën dhe i kërcënoi ato se anëtarësimi në NATO nuk do të thotë se janë të mbrojtura.
Këto kërcënimi, ministri i Jashtëm i Maqedonisë të Veriut, Bujar Osmani i ka cilësuar si të papërshtatshme. Ai ka thënë se Maqedonia e Veriut është për paqe në rajon.
LEXO EDHE:
– Kërcënimet serbe ndaj Maqedonisë së Veriut dhe Malit të Zi nuk kanë të ndalur
– Rama reagon ndaj Serbisë: Mos harroni, jemi anëtarë të NATO! Askush nuk na tërheq në të shkuarën
”Maqedonia e Veriut refuzon ndërhyrjen dhe vërejtjet e papërshtatshme nga zyrtarët fqinjë. Ne qëndrojmë për stabilitet dhe bashkëpunim rajonal, duke përfshirë Serbinë dhe Kosovën. Në pritje të sqarimit nga ministri i Mbrojtjes i Serbisë”, shkroi Osmani.
Presidenti i Malit të Zi, Jakov Milatoviç, tha gjithashtu se është e papranueshme çdo përpjekje për të ndërhyrë drejtpërdrejt ose indirekt me aktorët e huaj në krijimin e Qeverisë në Mal të Zi.
“Pres që formimi i Qeverisë së 44-të të bazohet në vullnetin e shprehur lirshëm të qytetarëve në zgjedhjet e kaluara parlamentare, si dhe në prioritetet programore që do të mundësojnë anëtarësimin e përshpejtuar të Malit të Zi në BE, rritjen e standardit jetësor dhe ndërtimi i shtetit të së drejtës”, shkroi Milatoviç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
