.png)
Gazeta Si – Tenisti spanjoll vendosi ta braktisë turneun, pas sinjaleve që kishte dhënë të dielën, kur braktisi stërvitjen para kohe dhe fashoi parakrahun. Shkon direkt në turin e dytë tenisti italian.
Alarmi i pak ditëve më parë sot është bërë fakt. Karlos Alkaraz, numri 3 i botës dhe një nga favoritët kryesorë, është tërhequr nga Montekarlo. Njoftimi është nga vetë lojtari nëpërmjet profilit X. Më pas ka ardhur edhe konfirmimi nga Atp. Arsyeja e mungesës? Probleme me krahun e djathtë.
Në vend të spanjollit, si ‘lucky loser’, futet Lorenco Sonego, që kalon direkt në turin e dytë, ku do të përballet me kanadezin Auger-Aliasime.
Të hënën Alkaraz u paraqit sërish në stërvitje me krahun e fashuar, edhe pse në mënyrë më pak të dukshme. Nuk është akoma e qartë, nëse shqetësimi është muskulor apo i tendinës, por e pengon atë të kryejë si duhet gjuajtjen e drejtë. Për kohën e rikuperimit duhen pritur ditët e ardhshme.
Alkaraz është regjistruar në turneun e Barcelonës, që nis më 15 prill, por gjendja e tij sportive e ka frenuar në këtë moment delikat të sezonit. Me mungesën e spanjollit, ashtu si një vit më parë, Siner mbetet numri 2 në botë, nëse shkon në gjysmëfinale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
