Gazeta Si - Një 24-vjeçar është vënë në pranga në Gjirokastër, pasi është kapur duke transportuar me furgon 9 emigrantë të paligjshëm kundrejt fitimit.
Shtetasi A.P., është pikasur nga policia në aksin rrugor Gjirokastër-Tepelenë dhe i është bërë shenjë ndalimi.
I riu nuk i është bindur urdhrit për të ndaluar dhe është larguar me shpejtësi, duke vënë në rrezik jetën e punonjësve të policisë.
Pas ndjekjes, shtetasi A.P. u kap në vendin e quajtur “Gërhot", duke drejtuar automjetin tip furgon, me të cilin po transportonte nga Saranda në drejtim të Tiranës, 9 emigrantë nga vendet e Lindjes kundrejt shumës 200 euro për person.
Në cilësinë e provës materiale u sekuestruan automjeti, një aparat celular dhe një shumë parash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.