Gazeta Si - Një 43-vjeçar është arrestuar në Tiranë, pasi dyshohet se është përfshirë në dy raste grabitjesh.
Sipas policisë, ai grabiti nën kërcënimin e armës një dyqan celularësh në zonën “Myslim Shyri” dhe një argjendari në “Rrugën e Dibrës” në kryeqytet.
Pas rreth dy muajsh, Policia ka bërë të mundur identifikimin e personit të maskuar, përmes pamjeve filmike. Bëhet fjalë për 43 vjeçarin Afrim Dulaj (Farruku) i cili është vënë në pranga nga blutë.
Në 14 mars, gjatë natës, ai hyri nga çatia e objektit duke hapur një vrimë dhe me anë të një shkopi tërhoqi bizhuteritë e ekspozuara në dyqan. Dyshohet se bizhuteritë e vjedhura kishin vlerën e 1.000.000 lekëve.
Sipas hetimeve, rezulton se në 9 shkurt, 43-vjeçari ka vjedhur edhe disa celularë në një dyqan në rrugën “Myslym Shyri”, nën kërcënimin e armës.
Në video, ai shihet duke kërcënuar me një armë pistoletë punonjësin e dyqanit e më pas duke marrë disa aparate celularë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.