.png)
Gazeta Si - Dy persona janë arrestuar në Berat gjatë aksionit policor të koduar “Ypsilon” për goditjen e shpërndarjes së lëndëve narkotike.
Të arrestuarve S.Gj. 42 vjeç dhe K.D. 22 vjeç iu gjetën dhe sekuestruan doza me lëndë narkotike gjatë kontrollit fizik dhe në banesat e tyre.
Kështu, u sekuestruan 85 doza kokainë, 2 makina, 5 celularë dhe një shumë parash që dyshohet se është përfituar nga shitja e kokainës.
Nga veprimet hetimore të policisë ka rezultuar se shtetasi S. Gj. bashkëpunonte me shtetasin K. D., për shpërndarjen e dozave të kokainës dhe të kanabisit, në zona të ndryshme të Beratit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
