Moti i keq dhe reshjet e dendura të shiut që kanë përfshirë Tiranën pasditen e së enjtes kanë shkaktuar edhe kaos në qarkullim.
Policia njoftoi se trafiku është i rënduar edhe për shkak të aktiviteteve festive në sheshin “Skënderbej”, që ka shtuar fluksin e mjeteve në drejtim të tij.
Policia thotë se nisur edhe nga shtimi i automjeteve që vijnë në drejtim të Tiranës apo qytetarëve që vijnë nga jashtë shtetit, për festa dhe pushime, me qëllim shmangien e bllokimit të lëvizjes në Unazën e Vogël, kërkon mirëkuptimin e drejtuesve të mjeteve që të shmangin sa është e mundur lëvizjen në drejtim të qendrës, konkretisht hyrjen nga:
- Rruga e Durrësit;
- Rruga e Kavajës drejt rrugës “Ibrahim Rugova”;
- Bulevardi “Zogu i Parë” drejt rrugës “Urani Pano”;
- Rruga e Dibrës drejt 9-katsheve;
- Bulevardi “Dëshmorët e Kombit” drejt rrugës “Abdi Toptani”;
- Rruga e Elbasanit drejt 9-katsheve.
Policia Rrugore fton qytetarët që të denoncojnë në 112 e Komisariatin Dixhital, çdo shkelje të qarkullimit rrugor, duke iu garantuar reagim të menjëhershëm e të paanshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.