Gazeta Si- Një 19-vjeçar është arrestuar në fshatin Shoshan të Tropojës, pasi kanosi me thikë nënën e tij dhe kishte ushtruar dhunë fizike ndaj familjarëve.
Policia e Tropojës, pas marrjes së njoftimit se në fshatin Shoshan po ndodhte një konflikt në familje, menjëherë kanë shkuar në adresën e dhënë, ku kanë kapur dhe vënë në pranga shtetasin S. B.
Ky shtetas dyshohet se ka ushtruar dhunë fizike ndaj nënës së tij dhe disa familjarëve të tjerë, e ka kanosur nënën me mjet prerës (thikë), si dhe i ka vjedhur celularin njërit prej familjarëve.
Gjatë kontrollit fizik, shërbimet e Policisë i gjetën 19-vjeçarit, 2 mjete prerëse (thika) dhe celularin e vjedhur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
