Gazeta Si - Një kamion për mbledhjen e mbetjeve urbane është përplasur me një “BMW” në Portëz, Fier mesditën e kësaj të enjteje.
Si pasojë e përplasjes, është lënduar drejtuesi 27-vjeçar i mjetit “BMW”, me iniciale I.M.
Fatmirësisht drejtuesi i kamionit ka frenuar në kohë, duke shmangur një përplasje edhe më të fortë, ndërsa mësohet se i ka dhënë ndihmën e parë edhe drejtuesit të BMË-së. Policia thotë se i riu ndodhet në spital nën kujdesin e mjekëve.
Siç shihet edhe në foto, mjeti ka pësuar dëmtime të rënda në pjesën e përparme të tij.
Policia po punon për shkaqet e aksidentit ndërsa si pasojë e përplasjes në këtë aks është shkaktuar edhe trafik për disa kilometra me radhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.